زاہد علی۔ مدینہ منورہ
مدینہ کرکٹ ایسوسی ایشن کے زیر انتظام کھیلے جانے والے عبدالستار ایدھی میموریل کرکٹ ٹورنامنٹ میں مزید 2میچ کھیلے گئے ۔ نتائج کے مطابق مدینہ ڈائمنڈز نے کلاسک کرکٹ کلب جبکہ کنگز الیون نے مدینہ اسٹالینزکو شکست دے دی ۔ یاد رہے یہ ٹونامنٹ ناک آئوٹ کی بنیاد پر کھیلا جا رہا ہے ۔
پہلے میچ میں کنگز الیون نے پہلے بیٹنگ کی اور 146 رنز کا ہدف دیا ۔ نعیم نے 5چوکوں کی مدد سے 38 اور نادر نے 25رنز اسکور کئے ۔ اسٹالینز کے بشارت نے 2اور حفیظ نے 2کھلاڑیوں کو آئوٹ کیا ۔ جواب میں مدینہ اسٹالینز 138 رنز بنا سکی اور 8رنز سے یہ میچ ہار گئی ۔ بشارت نے 31 جبکہ عارف نے 25رنز بنائے ۔ کنگز الیون کی طرف سے رانا نوید نے 4کھلاڑی آئوٹ کئے ۔ دوسرے میچ میں مدینہ ڈائمنڈ فاتح رہی ۔ پہلے بیٹنگ کرتے ہوئے مدینہ ڈائمنڈز کی ٹیم نے 160 رنز بنائے ۔ حمزہ 39 ، جہانزیب 32اور لیاقت 20رنز کے ساتھ نمایاں رہے ۔ جواب میں کلاسک الیون ہدف کے تعاقب میں 112 رنز ہی بنا سکی اور 48رنز سے یہ میچ ہار گئی ۔ یہ صرف وسیم اور ظہیر ہی ڈبل فیگر میں داخل ہو سکے اور بالترتیب 29 اور 31 رنز بنائے ۔ مدینہ ڈائمنڈز کی طرف سے جہانزیب نے 3 اور شعیب نے 3وکٹیں حاصل کیں ۔ اسکائی وار کے عثمان ، بسم اللہ کے ظفر اور افضل جبکہ اسکائی وار کے ہی عبدالرحمن نے امپائرز کے فرائض ادا کئے ۔