انقرہ.. ترکی کے صدر رجب طیب اردگان نے کہا ہے کہ نائٹ کلب پر حملہ کا مقصد ترکی میں انتشار پھیلانا ہے ۔ قوم ان سازشوں اور مکروہ کاموں کے خلاف متحد رہے ۔ دہشتگردی کے خلاف جنگ جاری رہے گی۔ قوم اپنے حوصلے بلند رکھے ۔ ترک صدر نے ایک بیان میں کہا کہ سال نو کے موقع پر حملہ ترکی کو غیر مستحکم کرنے کےلئے کیا گیا ہے۔ دہشتگرد ملک میں امن و امان بگاڑنا چاہتے ہیں ۔ نائٹ کلب پر حملے کا مقصد ترکی میں انتشار پھیلانا ہے ۔دھماکے اور اس قسم کے حملے ملک میں انتشار اور فساد برپا کرنا ہے ۔ قوم ان سازشوں اور مکروہ کاموں کے خلاف متحد رہے اور اپنے حوصلے بلند رکھے ۔ انہوںنے کہا کہ ترکی دہشتگردی کے خاتمے کےلئے کوششیں جاری رکھے گا۔ دہشتگردی کے خلاف جاری جنگ کو منطقی انجام تک پہنچائیں گے۔
