عمان.... مسقط کمشنری کے ایک ریستوران میں گیس سیلنڈر میں ہونے والے دھماکے سے 12 دکانیں اور 3 گھر متاثر ہوئے ۔ دھماکے میں جانی نقصان کی اطلاع نہیں ملی ۔ عمانی نیوز ایجنسی کے مطابق محکمہ شہری دفاع نے بتایا کہ انہیں اطلاع ملی کہ مالعامرات کے علاقے میں ایک ہوٹل میں دھماکہ سنائی دیا ہے ۔ دھماکہ اتنا شدید تھا کہ اس سے نہ صرف ہوٹل بلکہ اس کے ساتھ 12 دکانیں اور باہر کھڑی ہوئی 3 گاڑیاں بھی تباہ ہو گئی ۔ 3 مکان بھی دھماکے سے متاثر ہوئے تاہم کسی قسم کے جانی نقصان کی اطلاع نہیں ملی ۔ ابتدائی رپورٹ کے مطابق دھماکہ سلینڈر سے لیک ہونے والی گیس کی وجہ سے ہوا ۔
ریستوران میں سلینڈر دھماکہ، 12دکانیں تباہ
