فیس بک پر تصویر دیکھ کر چور پکڑوادی

لندن .... پائلٹ نے فیس بک پراپنے گھر میں صفائی ستھرائی کرنےوالی کارکن کو سونے کی بالیاں پہنے ہوئے دیکھ کر پکڑوا دیا۔ بتایا جاتا ہے کہ طیارے کا ایک پائلٹ فیس بک دیکھ رہا تھا جہاں اس نے دیکھا کہ یہ کارکن اس کی بالیاں پہنے ہوئے ہے۔ مزید تلاشی لینے پر پتہ چلا کہ وہ اب تک گھر سے 2ملین پونڈ کی دیگر اشیاءبھی چرا چکی تھی او رانہیں باہر جاکر فروخت کردیا کرتی تھی۔ انہوں نے اپنی 42سالہ ڈینٹسٹ اہلیہ کے ساتھ مل کر گھر میں دیکھا تو پتہ چلا کہ انکا 800پونڈ مالیت کا بیگ،نقدی، موبائل فون، زیورات اور حتیٰ کہ اپنے 8سالہ بچے نے جو بچت کررکھی تھی وہ بھی غائب ہے۔ پولیس نے 47سالہ صفائی کارکن کے گھر پر چھاپہ مارا جہاں سے بیشتر مسروقہ اشیاءبرآمد کرلیں۔