امریکہ نے کوئی احسان نہیں کیا، گیلانی

ملتان...سابق وزیراعظم اور پیپلزپارٹی کے رہنما یوسف رضا گیلانی نے کہا ہے کہ پاکستان ایٹمی قوت ہے ۔ملک کا دفاع مضبوط ہاتھوں میں ہے ۔ میڈیا سے گفتگو کرتے ہوئے انہوں نے کہا کہ امریکہ کو دہشتگردی کیخلاف جنگ میں پاکستان کی قربانیوں کا احساس کرنا چاہئے۔پیسہ کچھ نہیں ہوتا۔ دہشتگردی کیخلاف جنگ میں پاکستان کا بہت نقصان ہوا ۔ امریکہ امداد دیتا تھا احسان نہیں کرتا تھا۔پاکستان کی تذلیل کسی صورت برداشت نہیں کی جا ئے گی ۔ غلط فہمیاں دورکرکے سب ممالک کے ساتھ اچھے تعلقات بنانے کی ضرورت ہے۔ انہوں نے کہا کہ چین نے ہر مشکل گھڑی میں ہمیشہ پاکستان کاساتھ دیاہے۔سلالہ واقعہ پر پاکستان نے امریکہ سے شدید احتجاج کیااور افغانستان کو سپلائی روک دی گئی تھی۔ اوبا مہ سے مطالبہ کیاکہ سلالہ حملے پرپاکستان سے معافی مانگیں۔ اوبامہ نے معافی مانگنے میں7ماہ لگائے،ہم نے7ماہ تک سپلائی بندرکھی ۔سابق وزیراعظم نے کہاکہ 2018میں مجھے الیکشن لڑناہے یانہیں اس کافیصلہ پارٹی کرےگی۔ ایک سوال پرانہوں نے کہا کہ ہمیں اداروں کومضبوط کرناچاہئے تاکہ ہرکیس پرجے آئی ٹی نہ بنانی پڑے۔