کابینہ میں توسیع ناکامیوں سے توجہ ہٹانے کی کوشش ہے،مایاوتی

لکھنؤ۔۔۔۔۔بہوجن سماج پارٹی کی صدر اور اتر پردیش کی سابق وزیر اعلیٰ مایاوتی نے کہا کہ وزیر اعظم نریندر مودی کابینہ میں آج کی گئی ردوبدل اپنی ناکامیوں پر سے لوگوں کی توجہ ہٹانے کی کوشش ہے۔ انہوں نے اپنے بیان میں کہا حقیقت میں مودی حکومت ملک کے مسائل ، غریبی اور روزگار کے مواقع  پیدا کرکے بے روزگاری کے مسائل دور کرنے، گنگا کی صفائی اور ملک کے کروڑوں عوام سے کئے گئے انتخابی وعدوں کو پورا کرنے میں بری طرح ناکام رہی ہے۔ اس لئے عوام کی توجہ ہٹانے کی یہ ایک کوشش ہے۔