بی جے پی کنکٹیکٹ ایپ کا افتتاح

    لکھنؤ- - - - وارانسی میں بی جے پی نے گزشتہ روز ایسا ایپ لانچ کیا جس کے ذریعے وزیر اعظم  نریندر مودی وارانسی سے براہ راست وابستہ ہوگئے۔ بنارس میں تنظیم کی سطح پر کیا سرگرمیاں ہو رہی ہیں، اس کی اطلاع اب اُن تک براہِ راست پہنچنے لگیں گی۔ بی جے پی نے 17  ستمبر کو بنارس میں نریندر مودی کے یوم پیدائش تقریب سے قبل یہ ایپ لانچ کرکے انہیں تحفہ دیا ہے۔ ابھی یہ بنارس کیلئے ہے آگے اسے پورے علاقوں میں بھی توسیع کردی جائیگی۔ کاشی میں ایپ کا افتتاح پارٹی کے ریاستی معاون انچارج سنیل اوجھا نے کیا۔ اس ایپ کا نام بی جے پی کنکٹیکٹ ایپ ہے۔ اس سے وارانسی شہر و ضلع کے بی جے پی عہدیداران براہ راست اپنے ممبر پارلیمنٹ اور وزیراعظم مودی  سے جڑ سکیں گے۔ یہ واٹس ایپ کی طرح کی کام کرے گا۔ ڈویژنل صدر اپنے بوتھ سطح کے عہدیداروں سے بات چیت کرنا چاہیں گے تو وہ سبھی بوتھ صدور سے ایک ساتھ ویڈیو کالنگ کرسکیں گے۔