مکہ مکرمہ .... ادارہ ماحولیات کی جانب سے مشاعر مقدسہ میں جراثیم کش ادویات کا اسپرے کیا گیا ۔ مئیر مکہ مکرمہ ڈاکٹر اسامہ البار نے سبق نیوز کو بتایا کہ ہر برس کی طرح امسال بھی فریضہ حج کی ادائیگی کے فوری بعد مشاعر مقدسہ کی صفائی کی مہم کا آغاز کر دیا گیا۔ بڑے پیمانے پر صفائی کا آغاز میدان عرفات سے کیا گیا ۔اسکے بعدمزدلفہ اور منیٰ میں صفائی کے بعد جراثیم کش ادویات کا اسپرے کیا گیا تاکہ علاقے کو جراثیم سے صاف کیا جاسکے ۔ اس ضمن میں اب تک 125 لیٹر جراثیم کش ادویات کا اسپرے کیا گیا ۔ البار کا کہنا تھا کہ صفائی کا کام جاری ہے ۔ دریں اثناءادارہ ماحولیات کے ڈپٹی ڈائریکٹر محمد عبدالباسط کا کہنا ہے کہ مشاعر مقدسہ کی صفائی کےلئے مقررہ یونٹس کو متعین کر دیا گیا ہے جو علاقے میں موجود کچرے کو مخصوص ٹرکوں کے ذریعے اٹھا کر انہیں ٹھکانے لگائیں گے ۔
