شریف خاندان کے اثاثے بھی منجمد

اسلام آباد... نیب نے ایون فیلڈ ریفرنس میں شریف خاندان کے اثاثے منجمد کر دیئے ۔نیب ذرائع کے مطابق نواز شریف، حسن، حسین، مریم نواز اور کیپٹن (ر) صفدر کے اثاثے اور بینک اکاونٹس منجمد کر دیئے گئے ۔ نیب نے تمام بینکوں، ڈویلپمنٹ اتھارٹیز اور کمشنرز کو خط ارسال کر دیا ۔ذرائع نے یہ دعویٰ بھی کیا کہ ملز مان کے اکاونٹس سے رقوم کی منتقلی روکنے کے لئے بینکوں کو خط لکھ دیئے گئے ۔ ملز مان کے نام جائداد کی منتقلی روکنے کیلئے ڈپٹی کمشنرز کو بھی خط لکھے گئے ہیں۔ ملزمان کے نام گاڑیوں کی ٹرانسفر روکنے کیلئے محکمہ ایکسائز کو بھی خط ارسال کئے گئے۔ اثاثے ٹرانسفر کرنے والے کو 3 سال قید ہو سکتی ہے۔ خط میں کہا گیا کہ تمام ادارے ملزمان کے نام اثاثوں کی ٹرانسفر فوری روک دیں۔