بلوچستان میں کارروائی،4دہشت گرد مارے گئے

راولپنڈی... سیکیورٹی فورسز نے آپریشن رد الفساد کے تحت مزید کارروائیاں کی ہیں۔ ایف سی نے بلوچستان کے مختلف علاقوں میں کارروائی کرکے 4 انتہائی مطلوب دہشتگردوں کو ہلاک کردیا ۔ دہشت گردوں کا تعلق کالعدم تنظیموں سے تھا۔ بم دھماکوں اوردہشت گرد ی کی متعدد وارداتوں میں ملوث تھے۔ آئی ایس پی آرکے مطابق ڈیرہ مراد جمالی سے خود کش حملوں میں ملوث دہشتگرد سمیع اللہ سمیت 24 مشکوک افراد کو گرفتار کرلیا گیا ۔ کارروا ئیوںکے دوران خود کار رائفلیں، پستول، بارودی سرنگیں، 16 کلو دھماکہ خیز مواد، دستی بم، را کٹ، مارٹر شیل اور دیگر اسلحہ بھی برآمد ہوا۔