حج والنٹیئرز گروپ کے تحت مکہ ٹیم کے اعزاز میں تقریب
پاکستان حج رضا کار گروپ سعودی عرب کے حج 2017 کے پروجیکٹ آپریشن کامیابی سے پایۂ تکمیل تک پہنچا۔ان میں ضیوف الرحمن، حرم پروجیکٹ، منیٰ آپریشن، طواف زیارت اور عزیزیہ آپریشن شامل تھا۔اس مناسبت سے مکہ ٹیم کے اعزاز میں عشائیہ کا اہتمام کیا گیا۔
تقریب ’’ آج کی شام مکہ ٹیم کے نام‘‘ سے امجد جدون، عابدالرحمن، عبد الرحمن، عثمان عارف، یاسر فاروق، یوسف اور دیگرنے اپنے خیالات کا اظہار کیا۔حج آپریشن 2017 مکہ ٹیم کے سرپرست انجینیئر ظہیر الدین نے تمام پروجیکٹس کی رپورٹ پیش کی اورکہا کہ پچھلے سالوں کی نسبت اس سال کے تمام پروگرام بہت کامیاب رہے۔ ڈائریکٹرپاکستان حج والنٹیئرز گروپ مکہ مکرمہ کے ڈاکٹر عرفان اللہ صدیقی نے مکہ ٹیم کو حج 2017 کے کامیاب آپریشنز پر مبارکباد پیش کرتے ہوئے کہا کہ 2012 میں 8 سے10 افراد کی کوششوں سے آج اللہ کی رحمت سے یہ گلشن پھولوں سے مہک رہا ہے۔ اللہ کریم نے ہم سے اپنے مہمانوں کی خدمت کا کام لیا ہے۔
آخر میں مجیب الرحمٰن نے اپنے خیالات کا اظہار کرتے ہوئے مکہ ٹیم کی کارکردگی اور کام کو سراہا اور اختتامی کلمات کے ساتھ دعا ئے خیر کی۔ تقریب میں 100کے قریب رضا کار وں نے شرکت کی۔
