پٹرول،ڈیزل اور مٹی کا تیل مہنگا

  اسلام آباد... حکومت نے عوام پر پھر مہنگائی کا بم گرا دیا۔پٹرولیم مصنوعات کی قیمتوں میں 4 روپے فی لٹر تک اضافہ کردیا۔وزارت خزانہ کی جانب سے جاری بیان کے مطابق قیمتوں میں اضافہ اوگرا کی سفارش پر وزیراعظم کی منظوری کے بعد کیا گیا۔ نئی قیمتوں کا اطلاق آج رات 12 بجے سے ہو گا۔ پٹرول، ہائی اسپیڈ اور لائٹ ڈیزل کی قیمتوں میں 2 روپے فی لٹر جبکہ مٹی کے تیل کی قیمت میں 4 روپے فی لٹر اضافہ ہوگا ۔ پٹرول کی نئی قیمت 73 روپے 50 پیسے فی لٹر ، ہائی اسپیڈ ڈیزل کی قیمت 79 روپے 40 پیسے فی لٹر ہو گی۔ لائٹ ڈیزل کی نئی قیمت 46 روپے فی لٹر اور مٹی کے تیل کی نئی قیمت 48 روپے فی لٹر ہو گی۔