مفتی عبدالقوی جھنگ کے قریب گرفتار

   ملتان ... پولیس نے ماڈل قندیل بلوچ قتل کیس میں ضمانت منسوخ ہونے پر عدالت نے فرار ہونے والے مفی عبدالقوی کو ملتان سے جھنگ جاتے ہوئے ہائی وے سے گرفتار کرلیا۔ پولیس نے موبائل ٹیلی فون سے لوکیشن ٹریس کی۔ واضح رہے کہ ملتان کی ڈسٹرکٹ اینڈ سیشن کورٹ نے ماڈل قندیل بلوچ قتل کیس میں مفتی قوی کی ضمانت خارج کرتے ہوئے عدالت نے انہیں گرفتار کرنے کا حکم دیا تھا۔ضمانت خارج ہونے پر مفتی قوی عدالت سے فرار ہوگئے۔ مفتی عبدالقوی فیصلہ سنانے سے قبل عدالت سے باہر نکل گئے اور فرار ہو گئے۔ عدالت نے کہا کہ مفتی عبدالقوی کے خلاف دفعہ 302 اور 109 کے تحت کارروائی کی جائے گی۔ قبل ازیں عدالت کے باہر میڈیا سے بات چیت کرتے ہوئے مفتی عبدالقوی نے کہا تھا کہ عدالتی کارروائی سے مطمئن ہوں۔ عدالت جو بھی فیصلہ کرے گی وہ مجھے منظور ہوگا۔پولیس کے مطابق مفتی قوی پر قندیل کے بھائیوں کو قتل کے لئے اکسانے کا الزام ہے۔