کاربون اے 1 انڈین اور اے 41 پاور فون لانچ
ائرٹیل کمپنی نے انڈیا میں دو نئے اسمارٹ فون کاربون اے 1 انڈین اور اے 41 پاور لانچ کر دیے ہیں۔ دونوں اسمارٹ فونز کو انڈیا کی مقامی کمپنی کاربون کے تعاون سے بنایا گیا ہے۔دونوں اسمارٹ فونز میں 4 انچ ڈسپلے ، اینڈرائڈ نوگیٹ آپریٹنگ سسٹم،کاڈ کور پراسیسر ، 1 جی بی ریم اور 8 جی بی اسٹوریج دیا گیا ہے۔
کاربون اے ون میں 3.2میگا پکسل کا بیک کیمرہ ، 2 میگا پکسل فرنٹ کیمرہ اور 1500 ملی ایپمئر آورز کی بیٹری دی گئی ہے۔اے 41 اور میں 2 میگا پکسل بیک کیمرہ ، 0.3میگا پکسل فرنٹ کیمرہ اور 2300 ملی ایپمئر آورز کی بیٹری دی گئی ہے۔ دونون فونز میں 4 جی اور ڈوئل سم سپورٹ شامل ہے۔ اے ون انڈین کی قیمت 4390 ہندوستانی روپے اور اے 41 پاور کی قیمت 4290 ہندوستانی روپے ہے۔ اسمارٹ فونز کو ماہانہ اقساط پر بھی حاصل کیا جا سکتا ہے۔
