کراچی .. پیپلز پارٹی کے چیئرمین بلاول بھٹو زرداری نے کہا ہے کراچی میں سازش کے تحت تعلیم یافتہ شہریوں پر مذہبی اور لسانی تعصب تھونپ دیا گیا ۔ اسٹریٹ کرائمز، بھتہ خوری اور دہشت گردی کو شہر کی پہچان بنا دیا گیا ۔ ثابت کریںگے کہ بربادی کا دور ختم، رواداری کا دور شروع ہو گیا۔ خصوصی انٹرویو بلاول نے کہا کہ کراچی میرا شہر ہے ۔ ملکر اس شہر کو بدلیں گے۔ انہوں نے کہا کہ کراچی روشنیوں کا شہر تھا۔اس شہر کی گزشتہ 30 برس کی بد نصیبی ہمارے سامنے ہے۔میرا جنم بھی اسی شہر میں ہوا ہے۔ یقین دلاتا ہوں اس شہر کا کھویا ہوا مقام مل کر واپس دلائیں گے ۔ تباہی اور بربادی کا دور ختم کر یں گے ۔ انہوں نے کہا کہ غریبوں کی سیاست کرتے ہیں۔بنیادی اور مفت تعلیم سب کے لئے ہونی چاہیے۔انہوں نے کہا کہ دیہی اور شہری کی سیاست نہیں کرتے ۔ وعدہ کرتاہوں اپنے نانا اور اپنی ماں کے نقش قدم پر چلوں گا۔
