سیف علی کی ' کالاکنڈی'کا ٹریلر

حال ہی میں اداکار سیف علی خان کی نئی بالی وڈ فلم ' کالاکنڈی'کا ٹریلر منظرعام پر آیاہے۔ذرائع کے مطابق سیف علی اس فلم میں ایک منفرد کردار میں دکھائی دے رہے ہیں۔ ٹریلر کے آغاز میں سیف علی خان کا ایک ڈاکٹر کے ساتھ پہلا سین پیش کیاگیاہے جس میں ڈاکٹر انہیں پیٹ کے کینسرکی تشخیص کرتا ہے اور کہتا ہے کہ جو تمہیں زندگی میں خوش کرے وہ کام کرو۔ اس کے بعدسیف علی خان اپنی زندگی کو آزاد انداز میں گزارتے ہیں اور ہر وہ کام کرنے کی کوشش کرتے ہیں جو انہوں نے پہلے نہ کیا ہو ۔تیز ڈرائیونگ کرنے سے لے کر منفرد جوکر نما انداز اپنانے تک سیف اپنی زندگی کو خوش رہ کر گزارنے میں مگن رہتے ہیں۔ 2 منٹ22 سیکنڈ کے اس ٹریلر میں سیف علی مزاحیہ ڈائیلاگ بولتے دکھائی دے رہے ہیں۔ یہ فلم جنوری 2018 میں نمائش کے لئے پیش کی جائے گی۔