اسلام آباد... تحریک انصاف کے سربراہ عمران خان نے کہا ہے کہ طاہرالقادری اگرسانحہ ماڈل ٹاون پرانصاف کیلئے سڑکوں پر نکلے توساتھ دیں گے۔اسلام آباد میں میڈیا سے گفتگو سے کرتے ہوئے انہوں نے کہا کہ سب کو ماڈل ٹاون رپورٹ دیکھنی چاہیے۔ شہباز شریف اور رانا ثناءاللہ فوری استعفے دیں۔شہباز شریف کا جھو ٹ پکڑا گیا۔انہوںنے کہا کہ ہم نے صاف اور شفاف الیکشن کے لئے پرامن احتجاج کیا پھربھی دہشت گردی کا مقدمہ بنا دیا گیا۔ آمر کی گود میں پلنے والے ہی کسی پر ایسا کیس کر سکتے ہیں۔عمران خان نے ٹرمپ کے بیت المقدس کے حوالے سے اقدام کی شدید مذمت کی اور کہا کہ فلسطینی مسلمانوں پر ظلم کی انتہا کردی گئی۔ ٹرمپ جیسے لوگ مسلمانوں کو انسان ہی نہیں سمجھتے۔ ہمارے کٹھ پتلی وزیراعظم کو طیب اردگان جیسا موقف اختیار کرنا چاہیے۔ نوازشریف سے ہاتھ ملانے کے سوال پر انہوں نے کہاکہ میں مجرموں اور قوم کے دشمنوں سے ہاتھ نہیں ملاتا۔
