نئے آلووں کی مٹھاس دور کرنے کے لیے انہیں کاٹ کر اچھی طرح نمک ، لہسن اور سرکہ لگا کر رکھ دیں اور پون گھنٹے بعد پکا لیں . آلو مزے دار ہو نگے اور اچھے پکیں گے .
پیاز کاٹتے وقت آنکھوں سے پانی نکلنے اور جلن سے بچنے کے لیے اپنے قریب موم بتی جلا لیں . پانی اور جلن سے آنکھیں محفوظ رہیں گی .
ایک گلاس پانی میں ددو چمچ سرکہ ملا کر سبزی پر چھڑکنے سے سبزی دیر تک تروتازہ رہتی ہے اور جراثیم بھی مر جاتے ہیں .
جوڑوں کے درد کے لیے اگر آپ صبح نہارر منہ تین سے چار اخروٹ کے دانے کھا لیں تو بہت جلد آرام مل جائے گا .
پسینے کی بد بو سے بچنے کے لیے پانی میں چند قطرے لیموں کا عرق ڈال کر نہانے سے پسینے کی بدبو ختم ہو جائے گی .
چہرے اور گردن پر جھریوں کے خاتمے کے لیے روزانہ دس منٹ تک زیتون یا روغن بادام کا مساج کریں اور جلد کی مناسبت سے اچھے صابن سے دھو لیں .
ہاتھوں پیروں میں پسینہ آنے کی صورت میں تین ماشے پھٹکڑی ایک چھٹانک پانی میں حل کر کے ہاتھوں پیروں کے تلووں میں لگائیں . پسینہ آنا بند ہو جائے گا ۔
