ویوو کمپنی کا نیا اسمارٹ فون وائے 75 چائنہ میں لانچ کردیا گیا ہے۔ اسمارٹ فون میں 5.7 انچ ایچ ڈی ڈسپلے، اینڈرائیڈ نوگیٹ آپریٹنگ سسٹم،اوکٹا کور پروسیسر، 4 جی بی ریم اور 32 جی بی سٹوریج دیا گیا ہے جس ایس ڈی کارڈ کی مدد سے 256 جی بی تک بڑھایا جا سکتا ہے۔ فون کے کیمرہ سیٹ اپ میں فلیش کے ساتھ 13 میگا پکسل کا بیک کیمرہ اور 16 میگا پکسل کا فرنٹ کیمرہ دیا گیا ہے۔کنیکٹیوٹی کے لیے فون میں فور جی ، بلیوتوتھ ، وائی فائی، جی پی ایس، مائیکرو یو ایس بی اور ہیڈفون جیک سپورٹ دی گئی ہے۔ اسمارٹ فون کی بیٹری 3000 ملی ایمپئیر آورز کی ہے۔ فون کو گولڈ اور بلیک رنگ کے شیڈز میں پیش کیا گیا ہے۔ اسمارٹ فون کی قیمت 1598 یان ہے اور اسے فروخت کے لیے پیش کر دیا گیا ہے۔
