میلبورن ٹیسٹ میں معین علی کی شرکت مشکوک

 

میلبورن: انگلینڈ کے آل راونڈر معین علی ایشز ٹیسٹ سیریز کے میلبورن میں ہونے والے چوتھے ٹیسٹ سے باہر ہو نے کے خطرات سے دوچار ہو گئے۔ پیر کو میلبورن کرکٹ گراونڈ میں بیٹنگ پریکٹس کے دوران ان کا ہاتھ متاثر ہوا تھا تاہم میچ میں ان کی شرکت کا حتمی فیصلہ کھیل شروع ہو نے سے پہلے کیا جائے گا۔ٹیم انتظامیہ نے میسن کرین کو ان کے ممکنہ متبادل کے طور پرتیار رہنے کو کہا ہے ۔میسن کرین ابھی کوئی ٹیسٹ نہیں کھیلے اور وہ بھی ٹام کرن کی طرح متبادل کھلاڑی کے طور پر کیپ حاصل کر سکتے ہیں۔ٹام کرن کو کریگ اوورٹن کی جگہ کھلایا جائے گا جو ان فٹ ہو نے کی وجہ سے اس میچ سے باہر ہو چکے ہیں۔