یوپی میں شدید سردی کی لہر جاری، اسکول بند

    لکھنؤ  - - - - - پورا اترپردیش اس وقت سخت کہرے اور سردی کی گرفت میں ہے ، جس کی بنا پر عوام کا گھر سے باہر نکلنا مشکل ہورہا ہے ۔ یوپی میں سرد ترین مقام بہرائچ رہا جہاں درجہ حرارت دن میں 4 سیلسیس ڈگری تک پہنچ گیا۔ان حالات کے پیش نظر محکمہ تعلیم نے  منگل کو ایک حکم نامہ جاری کرکے درجہ نہم سے بارہویں تک کے اسکولوں کو 7 جنوری تک بند رکھنے کا مشورہ دیا ۔اس سے قبل آٹھویں درجہ تک کے اسکولوں کو7 جنوری تک بند رکھنے کاحکم جاری کیا گیا تھا۔