نئی دہلی۔۔۔۔کہرے نے دہلی اور مضافاتی علاقوں کو اپنی لپیٹ میں لے رکھا ہے جس سے ہائی وے پر گاڑیوں کا چلنا محال ہوگیا ۔ کہرے کی وجہ سے دہلی چنڈی گڑھ نیشنل ہائی وے پر سندھو بارڈ کے قریب حادثے میں پاور لفٹنگ کھلاڑیوں کی گاڑی حادثے کا شکار ہوگئی ۔حادثہ اتنا شدید تھا کہ گاڑی کے پرخچے اڑ گئے۔ حادثے میں پاورلفٹنگ کے 4کھلاڑیوں کی موقع پر ہی موت ہوگئی جبکہ 2شدیدزخمی ہوگئے۔ اطلاع ملتے ہی پولیس اہلکار اور راحت کاری کا عملہ موقع پر پہنچ گیا۔ زخمیوں کو گاڑی سے نکال کر اسپتال پہنچایا اور لاشوں کو پوسٹ مارٹم کیلئے بھیج دیا۔ورلڈ چیمپیئن سکچھم یادو اور بالی کی حالت انتہائی تشویشناک ہے جنہیں میکس اسپتال شالیمار میں داخل کرایا گیا۔ پولیس ذرائع کے مطابق شدید دھند کے باعث کار کے ڈیوائڈر اور کھمبے سے ٹکرانے سے حادثہ پیش آیا ۔ واقعہ کی تحقیقات کی جارہی ہے۔
