حیدرآباد میں سہ روزہ ورلڈ سوئٹ فیسٹول ہفتہ سے شروع

    حیدرآباد - - - - - کھانے کے شوقین افراد کیلئے ایک اچھی خبر ہے ۔انہیں 13جنوری سے حیدرآباد میں ہونے والے ورلڈ سوئٹ فیسٹیول میں ہندوستان اور دوسرے ممالک کی تقریبا1000مٹھائیوں کا مزہ چکھنے کا موقع ملے گا۔ اس 3 روزہ میلہ کا اہتمام مختلف تہذیبی ،لسانی اور علاقائی تنظیموں کی جانب سے کیا جارہا ہے جن میں وہ غیر ملکی افراد بھی شامل ہیں جو برسوں سے حیدرآبادمیں مقیم ہیں۔ اس پروگرام کیلئے ایک ویب سائٹ اور موبائل ایپ بھی شروع کیا گیا ہے ۔یہ پروگرام کائٹ فیسٹیول کے ساتھ رکھاجائے گا جس کا اہتمام ریاستی حکومت ہر سال پریڈ گراونڈ سکندرآباد میں کرتی ہے۔اس مرتبہ اپنی نوعیت کا یہ پہلا سوئٹ فیسٹول  ہوگا ۔حیدرآباد میں دیگر ریاستوں کے ہزاروں افراد رہتے ہیں ، ان کو ان کے گھر کا احساس دلانے کیلئے یہ سوئٹ فیسٹول منعقد کرنے کا فیصلہ کیا گیا ہے جس میں دیگر ریاستوں کی مشہور مٹھائیوں کو پیش کیا جائے گا۔