مکہ مکرمہ (محمد عامل عثمانی) کشمیر کمیٹی جدہ کے رکن راجہ زریں خان کے والد راجہ شمشیر خان کا 110سال کی عمر میں اسلام آباد میں انتقال ہوگیا۔ 1931ءکی تحریک میں وہ مہاراجہ کے خلاف صف اول کے مجاہد مولانا عبداللہ شیرپونچھ کے ہم عصر تھے۔ 1935ءمیں آل جموں و کشمیر مسلم کانفرنس میں شامل ہوئے۔ پاکستانی قونصلیٹ کے پریس اتاشی ارشد منیر کشمیر کمیٹی کے صدر مسعود احمد پوری، جنرل سیکریٹری منیر احمد گوندل کے علاوہ نصر اقبال سردار خان ، غلام نبی بٹ اور چوہدری اعظم وغیرہ نے بھی متوفی کے اعزہ سے تعزیت و ہمدردی کا اظہار کیا اوردعائے مغفرت کی۔
