اچھا اور بھر پور ناشتہ وزن کم کرنے میں مددگار
وزن کم کرنا اور وزن کو مزید بڑھنے سے روکنا انتہائی مشکل کام ہے . وزن کم کرنے کے لیے طرح طرح کے جتن کرنے پڑتے ہیں . اکثر اوقات خواتین وزن کم کرنے کے لیے ڈائٹنگ کا سہارا لیتی ہیں . کھنا پینا چھوڑ دینا اضافی وزن کے مسئلے کا حل نہیں بلکہ طرز زندگی میں تبدیلی ، مناسب اور متوازن غذا کا استعمال اور ورزش کے ذریعے اس مسئلے سے نمٹا جا سکتا ہے . اپنے دن کا آغاز ہمیشہ اچھے اور بھر پور ناشتے سے کریں . ناشتہ چھوڑ دینے کی صورت میں جسم کو درکار توانائی نہیں ملتی اور وہ دن بھر کے افعال سر انجام دینے کے قابل نہیں ہوتا . توانائی کی اس کمی کو پورا کرنے کے لیے انسان دن کے بقیہ حصے میں مضر صحت غذا کھانے پر مجبور ہوجاتا ہے . ناشتہ جتنا بہترین ہو گا اور اس میں کیلوریز اور کاربوہائیڈریٹ کی مقدار جتنی زیادہ ہو گی اتنا ہی بقیہ دن میں بھوک کا احساس کم ہو گا اور آپ بھاری بھرکم غذائیں کھانے سے بچے رہیں گے .
