سری لنکا نے ٹرائینگولر سیریز جیت لی، بنگلہ دیش کو 79رنز سے شکست

ڈھاکا:ٹرائینگولر کرکٹ سیریزکے فائنل میں سری لنکا نے بنگلہ دیش کو 79 رنز سے ہرا کر ٹرافی جیت لی۔شیر بنگلہ اسٹیڈیم ڈھاکا میں کھیلے گئے ڈے نائٹ فائنل میچ میں سری لنکا نے ٹاس جیت کر پہلے بیٹنگ کرتے ہوئے مقررہ 50 اوورزمیں 221 رنز بنائے ، بنگلہ دیش کی پوری ٹیم 41.1 اوورز میں 142 رنز پرآوٹ ہو گئی۔اوپنر اپل تھرنگا نے 56 رنز بنائے جبکہ کپتان دنیش چندیمل 45 اور نیروشن ڈکویلا42 رنز بناسکے، کوشل مینڈس نے 9 گیندوں پر 28 رنز اسکور کیے، ان کی اننگز میں3 چھکے اور2 چوکے شامل تھے۔بنگلہ دیش کے روبیل حسین نے 46رنزپر4 کھلاڑیوں کو آوٹ کیا، مستفیض الرحمان نے2 وکٹیں لیں۔آسان ہدف کے تعاقب میں بنگلہ دیش شروع سے ہی مشکلات کا شکار ہوگئی، اوپنرز تمیم اقبال(3) اور محمد متھن (10) جلد پویلین لوٹ گئے،صابر رحمان بھی 2 رنز بناسکے، محمود اللہ نے اچھی بیٹنگ کرتے ہوئے92 گیندوں پر 76رنز اسکور کیے، مشفق الرحیم نے 22رنز بناکر ان کا ساتھ دیا، ان دونوں کے بعد کوئی بیٹسمین ڈبل فگر میں نہیں پہنچا سکا۔ڈیبیو پر شیہان مدھوشناکا نے ہیٹ ٹرک کی، انھوں نے6.1 اوورز میں 30رنز دے کر3 وکٹیں اڑائیں، دشمانتھا چمیرا اور اکیلا دھنن جایا نے 2،2 وکٹیں لیں، بنگلہ دیش کی پوری ٹیم 41.1 اوورز میں 142رنز پرآوٹ ہو گئی۔بنگلہ دیش نے زمبابوے کو 91رنز سے ہرا کر ٹورنامنٹ سے پہلے ہی خارج کر دیا تھا۔