انتخابی فہرستوں میں ایک کروڑ سے زائد مشکوک ووٹر ؟
اسلام آباد... الیکشن کمیشن نے انتخابی فہرستوں سے ایک کروڑ سے زائد فوت شدہ،مشکوک اور ڈبل اندراج والے ووٹروں کو خارج کرنے کا فیصلہ کر لیا ۔اگلے عام انتخابات سے قبل 75لاکھ نئے ووٹروں کا اندراج کیا جائے گا ۔الیکشن کمیشن کے ذرائع کے مطابق انتخابی فہرستوں کی نظرثانی کے مرحلے کے دوران الیکشن کمیشن کے عملے نے نادرا سے موصول ہونے والے ریکارڈ اور گھر گھر تصدیق کے دوران ایک کروڑ سے زائد مشکوک ووٹرز کا سراغ لگایا ہے۔ ذرائع کے مطابق انتخابی فہرستوں سے فوت ہونے والے مرد خواتین ووٹروں کے علاوہ فہرستوں میںکئی جگہوں پر اندراج ہونے والے ووٹروں کو بھی نکال باہر کیا جائے گا تاکہ اگلے انتخابات میں صاف و شفاف ووٹرلسٹوں کو امیدواروں کے حوالے کیا جا سکے۔ ذرائع کے مطابق ے الیکشن ایکٹ کے تحت شناختی کارڈ بنانے والے ہر پاکستانی مرد خواتین سے اس کی مرضی کے مطابق مستقل یا عارضی پتے پر ووٹ کا اندراج بھی کیا جائے گا ۔ذرائع کے مطابق انتخابی فہرستوں میں مرد خواتین ووٹرز کے مابین 12ملین سے زائد فرق کو ختم کرنے کےلئے بھی نادراکی مدد سے جن علاقوں میں فرق زیادہ ہے وہاں پر خصوصی مہم شروع کی گئی ہے ۔
