معروف صحافی گوری لنکیش کا قاتل گرفتار
بنگلور۔۔۔۔گوری لنکیش قتل کیس میں ایس آئی ٹی کو بڑی کامیابی ملی ہے۔ کرناٹک کی اسپیشل انویسٹی گیشن ٹیم نے ایک مشکوک ملزم ٹی نوین کمار کو بنگلور سے گرفتار کیا ہے۔ اس پر غیر قانونی اسلحہ رکھنے کا الزام ہے۔ ایس آئی ٹی کے تحقیقاتی افسر اور ڈپٹی کمشنر ایم این انوشیٹ کے مطابق نوین کمار کو لوکل پولیس نے گزشتہ روز غیر قانونی پستول رکھنے کے الزام میں گرفتار کیا تھا ۔ پوچھ گچھ کے دوران اس نے پولیس کو گوری لنکیش کے قتل سے متعلق اہم معلومات فراہم کیں ۔ ڈپٹی کمشنر نے بتایا کہ نوین کی فراہم کردہ معلومات کی بنیاد پرمزید افراد جلد گرفتار کرلئے جائیں گے ۔ واضح ہو کہ گوری لنکیش کنٹر کوی اور صحافی کارپی لنکیش کی سب سے بڑی بیٹی تھیں۔ وہ ویکلی میگزین لنکیش پترک کی ایڈیٹر تھیں۔
