رمضان میں کسی چنیل پر نیلام گھر نہیں ہوگا،اسلام آباد ہائیکورٹ

اسلام آباد... اسلام آبادہائی کورٹ نے حکم دیا ہے کہ اس رمضان کسی چینل پر نیلام گھر اور سرکس نہیں ہوگا ۔ ہر چینل کیلئے 5 وقت کی اذان نشر کرنا لازم ہوگا۔اسلام آباد ہائیکورٹ میں رمضان ٹرانسمیشن اور مارننگ شوز کے ضابطہ اخلاق پر عمل درآمد کے کیس کی سماعت جسٹس شوکت عزیز صدیقی نے سماعت کی۔ ڈی جی پمرانے کہا کہ تمام چینلز کو گائیڈ لائن جاری کررہے ہیں۔جسٹس شوکت عزیز صدیقی نے ریمارکس دئیے کہ اسلام کا تمسخر اڑانے کی اجازت کسی کو نہیں دیں گے، اسلامی تشخص اور عقائد کا تحفظ ریاست کی ذمہ داری ہے۔ رمضان ٹرانسمیشن میں سرکس لگتے رہے تو پابندی لگا دیں گے۔ مسلمانوں کے لئے اذان سے بڑی بریکنگ نیوز کوئی نہیں۔ کوئی چینل رمضان المبارک میں اذان نشر نہیں کرتا بلکہ اذان کے اوقات میں چینلز ناچ گانا اور اشتہارات چلاتے ہیں۔ یہاں تک کہ پی ٹی وی نے بھی اذان نشر کرنا بند کر دی ۔ ایسا ہی چلنا ہے تو پاکستان کے نام سے اسلامی جمہوریہ ہٹا دیں۔عدالت نے پمرا سے رپورٹ طلب کرلی کہ پاکستان میں کل 117 چینلز میں سے کتنے اذان نشر کرتے ہیں۔ 

مزید پڑھیں:اصغر خان کیس،نظرثانی کی درخواستیں مسترد