لاہور میں تر بیتی طیارہ گھرپر گر کر تباہ
لاہور..لاہور میں تربیتی طیارہ گر کر تباہ ہوگیا۔ سیسنا طیارے نے والٹن ایئرپورٹ سے پرواز کی تھی۔ ذرائع کے مطابق طیارہ دوران پرواز فنی خرابی کے باعث توازن برقرار نہ رکھ سکا ۔گارڈرن ٹاون میں ایک گھر کی بیرونی دیوار کے اوپر جا گرا ۔ بجلی کی تاروں سے ٹکرانے سے شارٹ سرکٹ ہوا اور اس میں آگ لگ گئی۔ پائلٹ اور کو پائلٹ محفوظ رہے ،انہیں معمولی زخم آئے ہیں ۔گھر کی دیوار کو نقصان پہنچا۔ جس گھر پر طیارہ گرا اس کا صحن کافی بڑا ہے ۔ اہلخانہ کمروں کے اندر موجود تھے ۔ 2012میں بھی ایک چھوٹا طیارہ ماڈل ٹاون کے گھر پر گر کر تباہ ہوگیا تھا ۔لاہور ہائی کورٹ میں ایک شہری نے والٹن ائرپورٹ بند کرنے کی درخواست دی تھی ۔ سول ایوی ایشن نے عدالت کو بتایا تھا کہ والٹن ائر پورٹ 1930میں بنایا گیا تھا۔ اس وقت لاہور کی نئی آبادیوں ماڈل ٹاون، گلبرگ ،ڈیفنس اور کینٹ کا وجود نہیں تھا۔ذرائع کے بعد والٹن ائر پورٹ پرفلائنگ کلب کے تربیتی جہازوں کے علاوہ نجی کمپنیوں کے بھی جہاز موجود ہیں ۔
