دبئی: رمضان میں سحری ڈرون کے ذریعے مساجد پہنچانے کا انتظام

 دبئی..... دبئی فروغ معاشرہ ادارے نے رمضان المبارک کے دوران سحری ڈرون کے ذریعے مساجد اور اطراف کے مقاما ت پر پہنچانے کا عزم ظاہر کردیا۔ کم ازکم 10 فیصد سحری ڈرون کے ذریعے ہی مہیا ہوگی۔ یہ نئی اچھوتی سہولت دبئی فروغ معاشرہ ادارے کے نوجوانوں نے پیش کرنے کا پروگرام بنایا ہے۔ اماراتی جریدے البیان نے ادارہ میں یوتھ کونسل کی سربراہ حلیمہ محمد کے حوالے سے اطلاع دی ہے کہ ہمارے سامنے بہت سارے رضاکار تھے جو اس کار خیر میں دلچسپی رکھتے ہیں۔ ان کی خواہش تھی کہ یہ کام احسن شکل میں انجام پائے۔ ڈرون 8 بیٹریوں سے چلتا ہے۔ یہ ایک چکر میں 10 کلو گرام سحری کا سامان پہنچا سکے گا۔ اس کی بیٹری بار بار چارج کرنا پڑے گی۔