کس مائی کے لعل میں ہمت ہے؟

اسلام آباد...وزیر مملکت برائے داخلہ طلال چوہدری نے کہاہے کہ الیکشن میں (ن) لیگ کی کامیابی کو بھی نہیں روکا جاسکتا۔ کس مائی کے لعل میں ہمت نہیں کہ وہ ہمیں پنجاب اوروفاق میں حکومتیں بنانے سے روکے۔ہم الیکشن کی تیاری نہیں نئی حکومت سازی کی تیاری کررہے ہیں۔ جمعہ کو میڈیا سے گفتگو کرتے ہوئے انہوں نے کہا کہ احتساب کے نام پر ہمیشہ جمہوریت پسندوں کو نشانہ بنایا گیا ۔اسی احتساب کے نام پر (ق) لیگ بنی اور اب اسی احتساب کے نام پر پی ٹی آئی بنانے کی کوشش کی جارہی ہے۔ احتساب کے نام پر اپنی مرضی کے لیڈر لانے کی کوشش کی جاتی رہی۔انہوں نے کہا کہ پی ٹی آئی میں ایک ایک شمولیت کی 4، 4 دفعہ خبریں چلاتے ہیں۔ پہلے کہتے ہیں (ن) لیگ سے علیحدہ ہوگئے ۔بہت بڑی وکٹ گرگئیپھر پتا چلتا ہے خان صاحب کے چھوٹے سے ملاقات اور پھر خان صاحب سے ملاقات۔پھر چلتا ہے خان صاحب ان کے گھر تشریف لے گئے ۔جلسے کےلئے پھریہی خبر چلتی ہے۔نوازشریف کےخلاف نیب کے نوٹس پر بات کرتے ہوئے وزیر مملکت نے کہا کہ اگر یہ چیئرمین نیب کی غلطی تھی تو معافی آجانی چاہیے تھی۔ اگر معافی نہیں آئی تو دانستہ کیا گیا ہے۔ اگر ابھی تک معافی یا شرمندگی کا اظہار نہیں ہوا تو اسکا مطلب ہے یہ پلان کا حصہ ہے ۔اب چیئرمین نیب نے فیصلہ کرنا ہے کہ انہیں عزت رکھنی ہے یا عہدہ؟۔ طلال چوہدری نے کہا کہ چیئرمین نیب کی بہت بڑی غلطی ہی نہیں بلنڈر ہے، معاملہ صرف نواز شریف کا نہیں پاکستان کا ہے۔

مزید پڑھیں:نیب کا ہاتھ لٹیروں تک پہنچے گا،جسٹس جاوید