سبیکا شیخ کی کراچی میں تدفین،ہر آنکھ آشکبار
کراچی... امریکی ریاست ٹیکساس کے ہائی اسکول میں فائرنگ سے جاں بحق ہونے والی پاکستانی طالبہ سبیکا شیخ کو شاہ فیصل کالونی میں عظیم پورہ قبرستان میں سپرد خاک کردیا گیا۔ اس موقع پر رقت آمیز مناظر دیکھنے میں آئے ،ہر آنکھ آشکبار تھی ۔اس سے قبل سبیکا کی نماز جنازہ یونیورسٹی روڈ پر واقع حکیم سعید گراونڈ میں ادا کی گئی۔گورنر سندھ محمد زبیر، وزیراعلیٰ مراد علی شاہ، پیپلز پارٹی کے رہنما سعید غنی، پاک سرزمین پارٹی کے سربراہ مصطفیٰ کمال سمیت سیاسی رہنماوں اور شہریوں کی بڑی تعداد موجود تھی۔اس موقع پر سیکیورٹی کے انتہائی سخت انتظامات تھے۔سبیکا شیخ کی میت ترکش ایئرلائن کی پرواز ٹی کے 708 کے ذریعے بدھ کی صبح 4 بجے کراچی پہنچی تھی۔ جناح انٹرنیشنل ایئرپورٹ پر اے ایسا یف ا ہل کاروں نے سبیکا کی میت کو سلامی دی۔امریکی قونصل جنرل جون وارنر ابھی ایئرپورٹ کارگو کمپلیکس پر موجود تھے۔سبیکا کی میت کو سیکیورٹی کے ساتھ قافلے کی صورت میں گھر لایا گیا۔
