عدلیہ سی پیک کی حمایت کرتی ہے،چیف جسٹس
اسلام آباد...سپریم کورٹ کے چیف جسٹس ثاقب نثار نے چین کے دورے کے دوران چینی ہم منصب سے ملاقات کی۔ اس موقع پر چیف جسٹس نے کہاکہ پاکستانی عدلیہ سی پیک منصوبے کی مکمل حمایت کرتی ہے۔ عدلیہ سی منصوبوں سے متعلق کمرشل تنازعات کے حل کیلئے پرعزم ہے۔ چیف جسٹس نے کہاکہ سپریم کورٹ نے سی پیک سے متعلقہ محکموں کا اجلاس طلب کیا تھا۔ماتحت عدالتوں کو سی پیک منصوبوں کے حوالے سے یکطرفہ حکم امتناع جاری نہ کرنے کی ہدایت کر رکھی ہے۔چیف جسٹس نے چینی ہم منصب کو رواں ماہ ہونے والی جوڈیشل کانفرنس کے حوالے سے بھی بریفنگ دی ۔ چینی سپریم کورٹ کے سربراہ نے پاکستانی عدلیہ کے اقدامات کی تعریف کی اور کہا کہ پاک ،چین تعلقات اور باہمی تعاون اسٹریٹجک شراکت داری میں تبدیل ہو چکا ہے۔ جسٹس عظمت سعید اور جسٹس عمر عطا بندیال بھی نملاقات میں موجود تھے ۔
