کیپٹن صفدر گرفتاری دینے راولپنڈی پہنچ گئے
راولپنڈی....مسلم لیگ (ن) کے رہنما کیپٹن صفدر گرفتاری دینے راولپنڈی کے لیاقت باغ پہنچ گئے۔کیپٹن صفدر کے ساتھ اظہار یکجہتی کے لئے لیگی کارکنان اورمقامی رہنماوں کی بڑی تعداد بھی موجودہے ۔ کیپٹن صفدر نے اس موقع پر کہا کہ آج فیصلہ کرنا ہے کہ ملک کو کیسے چلانا ہے ۔ ہمارے ہاتھ صاف ہیں ۔ پاکستان کو آگے لے جانا چاہتے ہیں ۔سازشی چاہتے ہیں کہ پاکستان آگے نہ بڑھے ۔انہوں نے کہا کہ پانامہ کیس کو جھوٹا کیس سمجھتا ہوں ۔جھوٹا انسان واجد ضیاءاس کی انکوائری کررہا تھا ۔احتساب عدالت نے ایون فیلڈ ریفرنس میں سابق وزیراعظم نواز شریف کے داماد کیپٹن (ر) محمد صفدر کو ایک سال قید کی سزا سنائی تھی۔اس سے قبل ایک آڈیو پیغام میں کیپٹن صفدر نے آڈیو بیان میں باضابطہ گرفتاری دینے کا اعلان کرتے ہوئے کہا کہ گرفتاری دینا غیرت کا تقاضہ ہے ۔ لیگی قیادت کے حکم پر مانسہرہ کے بجائے کسی اور مقام سے گرفتاری دوں گا۔انہوں نے کہا کہ پارٹی کا ادنیٰ سے کارکن ہوں۔پہلے میرے دل نے کہا کہ سینٹر سے گرفتاری دوں لیکن پارٹی قیادت پر اپنا فیصلہ بدلا ۔انہوں نے مانسہرہ کے عوام سے انتخابات میں مسلم لیگ (ن) کو کامیاب بنانے کی بھی اپیل کی ۔
