مدینہ کے نخلستانوں میں تازہ کھجوروں کا دلکش منظر

مدینہ منورہ ... مدینہ منورہ میں ان دنوں درجہ حرارت بڑھا ہوا ہے اور نخلستانوں میں تازہ کھجوریں پکنے لگی ہیں۔ قبا، العوالی ، العیون ، الشہدا، قربان، الخلیل او رالملیلیح نخلستانوں سے کھجوریں مارکیٹ میں آنے لگی ہیں۔ روتانا کا ایک کارٹن 7 تا 18ریال میں جبکہ الربیعہ کا ایک کارٹن 5تا 7ریال میں فروخت ہورہا ہے۔ نخلستانوں کی آبپاشی زیر زمین آبی ذخائر سے کی جاتی ہے۔ مذکورہ نخلستان روتانا ، الربیعہ ، الحلوة، العجوہ، الصفاوی، العنبرة اور البرنی نام کی عمدہ کھجوروں کیلئے مشہور ہیں۔