انتخابات تک تمام بلدیاتی اداروں کے سربراہ معطل
اسلام آباد..الیکشن کمیشن نے 25 جولائی تک تما م بلدیاتی اداروں کے سربراہوں کو معطل کردیا ۔الیکشن کمیشن کے نوٹیفکیشن کے مطابق بلدیاتی اداروں کے چئیرمین، وائس چیئرمین، ناظم، نائب ناظم، مئیر، ڈپٹی مئیر اور ممبر کنٹونمنٹ بورڈز سمیت تمام عہدیدار پولنگ کے دن تک اپنے عہدوں پر کام نہیں کر سکیں گے۔آئین کے آرٹیکل 218 کے تحت صاف اور شفاف انتخابات کے لئے اداروں کو عام انتخابات پر اثر انداز ہونے سے روکنے کا مکمل اختیار حاصل ہے۔ دریں اثناءالیکشن کمیشن نے پولنگ اسٹیشنوں پاک فوج کے آفیسر انچارج کو مجسٹریٹ درجہ اول کے اختیارات دے دئیے ، مجاز افسر کسی بھی شخص کو موقع پر سزا سنا سکے گا۔
