Sorry, you need to enable JavaScript to visit this website.

عوام نے ملک دشمنوں کو رد کر دیا،شجاعت

لاہور ... مسلم لیگ کے ق صدر و سابق وزیراعظم چو ہدری شجاعت نے کہا ہے کہ موجودہ الیکشن ایک طرح کا ریفرنڈم تھا جس میں عوام نے کھل کر اپنی رائے کا اظہار کیا، عوام نے ملک دشمنوں کو رد کر دیا ۔ الیکشن ڈیوٹی پر تعینات فوجی جوانوں اور پولیس اہلکاروں کو لوگوں نے اپنی محبت اور یکجہتی کے اظہار کیلئے پھول پیش کئے ۔ میڈیا سے گفتگو کرتے ہوئے انہوں نے مزید کہا کہ الیکشن کے بعد بہت برے حالات آنے کا خدشہ ہے اس لئے تمام جماعتوں کو مل کر چلنا ہو گا۔ ایک سوال پر انہوں نے کہا کہ اگر آل پارٹیز کانفرنس نوازشریف کی ذات کیلئے بلانی ہے تو اس کا کوئی فائدہ نہیں ہو گا۔ سب جماعتوں کو ملک کے مفاد کیلئے اکٹھا ہونا چاہئے۔ انہوں نے کہا کہ الیکشن رزلٹ ٹھیک آئے۔ منفی پروپیگنڈا کرنے والوں کو ناکامی ہو گی۔عوام نے ملک کے بہتر مستقبل اور مضبوط و خوشحال پاکستان کیلئے ووٹ دیئے ہیں۔ مسلم لیگ ق کسی شخصیت کے ساتھ نہیں بلکہ ملک کو درست سمت میں لے جانے والوں کے ساتھ چلے گی۔ انہوں نے کہا کہ ہمارے مخالفین طرح طرح کی باتیں کرتے رہے لیکن گجرات سے4 نشستوں پر کامیاب ہوئے ہیں۔
مزید پڑھیں:الیکشن چرا لئے گئے ،نواز شریف

شیئر: