کویت : سرکاری اداروں نے غیر ملکی ملازمین کو رخصت کرنا شروع کردیا

کویت .... حکومت کویت نے سرکاری اداروں سے 5ہزار غیر ملکی کارکنان کو فارغ کرنے کا فیصلہ کرلیا۔ تیاریاں شروع کردی گئیں۔ آئندہ اکتوبر تک تمام تارکین کو فارغ کردیا جائیگا۔ کویتی اخبار السیاسہ نے یہ اطلاع دیتے ہوئے واضح کیا کہ یہ فیصلہ سرکاری اداروں میں غیر ملکی کارکنان کی تعداد انتہائی حد تک کم کرنے اور تارکین کی جگہ کویتی شہریوں کی تقرری کی پالیسی پر عملدرآمد کے تناظر میں کیا گیا ہے۔کویتی شہری خدمات کے ایوان نے توجہ دلائی ہے کہ ایوان شہری خدمات نے ایسے غیر ملکی ملازمین کو جن کی ملازمت کی میعاد ختم ہوچکی ہے 18ملین دینار مکافہ نہایتہ الخدمہ کے طور پر دینے کا بندوبست کرلیا ہے۔ اس طرح کے کارکنان کی تعداد 3500 ہے۔ اکتوبرمیں مزید 5ہزار غیر ملکی سرکاری ملازم فارغ کردیئے جائیں گے۔ ایوان شہری خدمات نے ملازمت کی میعاد مکمل کرنے والے غیر ملکیوں کو ہدایت جاری کی ہے کہ وہ کویت کے قانون اقامہ دفعہ 17کے بموجب اپنے اقامے منسوخ کرالیں اور مکافہ نہایتہ الخدمہ لینے کیلئے ”اشعار المغادرہ“ خروج نہائی کی دستاویز پیش کردیں۔

پی ٹی آئی حکومت سے کیا توقعات ہیں؟ رائے دیں