عمران خان کے الفاظ پر بھروسہ ہے
نئی دہلی ...سابق ہندوستانی کرکٹر نوجوت سنگھ سدھو نے کہا ہے کہ پاک، ہند تعلققات میں بہتری کے لئے عمران خان کی زبان سے نکلنے والے الفاظ پر بھروسہ ہے۔ٹی وی انٹرویو میں انہوں نے کہا کہ عمران خان پر بھروسہ ہے۔ ایک سیٹ سے کامیابی کا سفر شروع کرنےوالا آج وزیرا عظم بن گیا۔ واضح رہے سابق کرکٹر کپل دیو اور سدھو کو پاکستان کے متوقع وزیر اعظم عمران خان کی جانب سے حلف برداری تقریب میں شرکت کے لئے با ضابطہ دعوت نامے مل گئے۔کپل دیو اور سدھو نے دعوت نامے ملنے کی تصدیق کر دی۔دونوں سابق کرکٹرز حلف برداری کی تقریب سے ایک دن قبل پاکستان پہنچیں گے۔دعوت نامہ ملنے پر سدھو نے کہا کہ عمران کی جانب سے مجھے ذاتی طور پر بھی دعوت دی گئی۔ کچھ منٹ تک گفتگو بھی کی۔میں نے انہیںکی کامیابی پر مبارکباد دی اور نیک تمنا وں کا اظہار بھی کےا۔
