سعد رفیق نے شیخ رشید کو جواب دیدیا؟

اسلام آباد ...سابق وزیرریلوے خواجہ سعد رفیق کے ترجمان نے وزیر ریلوے شیخ رشید کے بیان پر ردعمل میں کہا ہے کہ پاکستان ریلوے کونیب زدہ ادارہ کہنادرست نہیں ۔ قومی اداروں کوسیاسی محاذ آرائی کا مرکزنہ بنایاجائے۔ ایک بیان میں کہا کہ وزیرریلوے شیخ رشیدکے بیانات سے ابہام پیدا ہوا جس کی وضاحت ضروری ہے۔ریلوے کے نیب میں ریفرنسز کا تعلق سابق ادوار سے ہے ۔ہمارے دورکا کوئی ریفرنس نیب میں نہیں۔ترجمان نے کہا کہ تنخواہوں اور پنشن کے بقایاجات کے باعث گزشتہ برس 10ارب روپے کے اضافی اخراجات ہوئے ۔2013ءمیں پاکستان ریلوے کا خسارہ 33ارب جبکہ آمدن18ارب تھی ۔ 2018 ءمیں ریلوے کی آمدن 48.6ارب روپے رہی جوایک ریکارڈ ہے۔ترجمان سعدرفیق نے مزید کہا کہ ان کے دور میں ایک بھی سنگل بڈٹینڈرقبول نہیں کیا گیا ۔ریلوے کی بہتری کے لئے وزیر ریلوے کی کامیابی ضروری ہے ۔قومی اداروں کی بحالی اور بہتری پوری قوم کے مفاد میں ہے۔

مزید پڑھیں:اوورسیز پاکستانیوں نے بلٹ پروف ٹرین کی پیشکش کردی،شیخ رشید