عمران خان نے نماز عید الاضحی ادا کی؟

اسلام آباد... وفاقی وزیر اطلاعات فواد چوہدری نے کہا ہے کہ نماز عید کی ادا ئیگی وزیر اعظم کا ذاتی معاملہ ہے۔عمران خان نمازی آدمی ہیں۔ اکثر میٹنگ چھوڑ کر نماز ادا کرنے چلے جاتے ہیں۔اگر وہ نماز عید پڑھنے کی تشہیر یا فوٹو نہیں چھپوانا چاہتے تو بلاوجہ بات نہیں کرنی چاہئے۔ انہوں نے کہا کہ ذاتی عقائد پر ہمیں اتنی اجازت ہونی چاہئے۔ اتنا دل بھی بڑا ہونا چاہئے کہ وزیراعظم اپنے معاملات اور عقائد کے مطابق زندگی گزار سکیں۔عید الاضحی پر سوشل میڈیا پر ایک سوال ہر کوئی پوچھ رہا تھا کہ وزیراعظم عمران خان کی نماز عید پڑھنے کی کوئی تصویر یا ویڈیو سامنے کیوں نہیں آئی۔ ن لیگ کے رہنما اور سابق وزیر سعد رفیق نے سوال کیا تھا کہ تحریک انصاف نے عید کے دن ٹریک سوٹ میں عمران خان کی جاکنگ کی تصاویر جاری کیں یہ نہیں بتایا وزیر اعظم نے نماز عید کہاں ادا کی اور نہ اس کی تصاویر جاری کی گئیں۔