احمد آباد : 4منزلہ عمارت منہدم ، ایک ہلاک،4زخمی

احمد آباد۔۔۔۔۔گجرات میں ضلع احمد آباد کے اوڈھو علاقے میں 4 منزلہ عمارت منہدم ہوگئی جس کے ملبے تلے دب کر ایک شخص ہلاک اور 5زخمی ہوگئے۔پولیس اور این ڈی آر ایف کی ٹیمیں موقع پر پہنچ گئی۔ امدادی ٹیموں نے کارروائی کرتے ہوئے ملبے سے زخمیوں کو نکال کر اسپتال پہنچایا اور دیگر کو ملبے سے نکالنے کی کوششیں جاری ہیں۔ این ڈی آر ایف کی 5ٹیموں کے علاوہ وڈودرا سے بھی ایک ٹیم احمد آباد طلب کی گئی۔احمد آباد میونسپل کارپوریشن نے خستہ حال عمارت کے مکینوں کو عمارت خالی کرنے کا نوٹس بھی جاری کیا تھا۔حادثے پر گجرات کے وزیر داخلہ پردیپ سنگھ نے بتایا کہ میونسپل کارپوریشن، ریاستی حکومت، این ڈی آر ایف کی 5ٹیمیں اور فائر بریگیڈ کی ٹیمیں ہنگامی بنیادوں پر ملبہ سے لوگوں کو نکالنے اور راحت رسانی کی کاموں میں مصروف ہیں۔ایڈیشنل چیف فائر آفیسر راجیش بھٹ نے بتایا کہ بلڈنگ کے تمام 32فلیٹس کے مکینوں کو نوٹس جاری کرکے خالی کرایا جاچکا تھامگر یہ لوگ دوبارہ اس میں کیوں سکونت پذیر ہوئے۔ امدادی ٹیم آپریشن کے سربراہ نے بتایا کہ عمارت کا پورا ملبہ صاف کرنے تک آپریشن جاری رہیگا۔پولیس نے واقعہ کی رپورٹ درج کرکے عمارت کے مالک کیخلاف کارروائی شروع کردی۔

مزید پڑھیں:- - - -گئوکشی کی وجہ سے آیا کیرالہ میں سیلاب، بی جے پی رہنما