کراچی ... اسپتال میں شرجیل میمن کے کمرے سے شراب ملنے کے واقعہ پرپیپلز پارٹی کے سینیئررہنما شرجیل میمن کو اسپتال سے جیل منتقل کر دیا گیا۔ ضیا ءالدین اسپتال کا وہ کمرہ بھی سیل کر دیا گیا۔ جہاں وہ ہفتوں سے زیر علاج تھے۔ پولیس نے شرجیل میمن کے ڈرائیور سمیت 2 ملازمین کو گرفتار کر لیا۔ ملازمین کو پولیس موبائل میں تھانے منتقل کر دیا گیا۔دریں اثناءسپریم کورٹ کراچی رجسٹری میں اہم مقدمات کی سماعت سے قبل چیف جسٹس کرپشن کے کیسز میں ملوث ہائی پروفائل ملزمان کے کمروں میں پہنچ گئے۔ وہ بغیر بتائے ضیاالدین اسپتال گئے تو سب کے ہوش اڑ گئے۔ چیف جسٹس پی پی رہنما اور رکن سندھ اسمبلی شرجیل میمن کے کمرے میں پہنچے تو شراب کی 3 بوتلیں ملی تھیں۔ چیف جسٹس نے کرپشن کیس میں گرفتار شرجیل میمن سے بوتلوں سے متعلق پوچھا تو وہ کہنے لگے یہ میری نہیں ۔ جس پر چیف جسٹس نے شدید برہمی کا اظہار کیا اور کہا اٹارنی جنرل کہاں ہیں، جائیں دیکھیں۔ انور منصور خان صاحب ذرا اس طرف بھی توجہ دیں، آپ نے بہت اچھے کام کئے، مگر یہ دیکھیں۔
