ڈیم منصوبوں کی نگرانی خود کرسکتا ہوں،عمران

اسلام آباد...وزیراعظم عمران خان نے چیئرمین واپڈاسے ملاقات میں دیامر بھاشا اور مہمند ڈیمز کی جلد تعمیر پر زور دیا ہے ۔ پیر کو عمران خان نے ٹوئٹر پر جاری بیان میں کہا کہ چیئرمین واپڈا پردیامر بھاشا اورمہمند ڈیمز کی جلد تعمیر پر زور دیا اور کہا کہ میں خود ڈیمز کے منصوبوں کی نگرانی کرسکتا ہوں۔انہوں نے کہا کہ پاکستان میں2 بڑے ڈیموں سمیت صرف 185 ڈیمز ہیں اس کے برعکس ہند میں 5ہزار اور چین میں 4 ہزار بڑے ڈیموں سمیت 84 ہزار ڈیمز ہیں۔عمران خان نے کہا کہ پاکستان کو بڑھتے ہوئے آبی بحران سے محفوظ بنانا ہے۔چیئرمین واپڈا سے کہا ہے کہ معاملے کی افادیت کے پیش نظر منصوبے کی نگرانی میں اپنے ذمے لے سکتا ہوں۔انہوں نے کہا کہ پاکستان کے حصے میں سالانہ 45 ملین ایکڑ فٹ پانی آتا ہے جس کا 80 فیصد 3 ماہ جبکہ باقی 20 فیصد باقی 9 ماہ میں آتا ہے۔

مزید پڑھیں:گیس کی قیمتیں بڑھانے کا فیصلہ موخر