کانپور: ڈھابہ میں کھانے پر جھگڑا، نوجوان کو پیٹ کر ہلاک کردیا

کانپور۔۔۔۔نوبستہ مورنگ منڈی چوراہے پر واقع ڈھابے میں کھانے کے مسئلے پر جھگڑا ہوگیاجس کے بعد ڈھابے کے کارکنوں نے نوجوان کو زدوکوب کرکے ہلاک کردیا۔قدوائی بلاک ڈی میں رہنے والے ابھیشیک کے بہنوئی نے بتایا کہ میرا برادر نسبتی اپنے دوست امر شرما کے ہمراہ مورنگ منڈی چوراہے کے ڈھابے پر کھانا کھانے گیا تھا ۔ وہاں کے ملازمین سے کسی بات پرکہا سنی ہوگئی اور جھگڑا شروع ہوگیا۔مشتعل کارکنوں نے اسے لاٹھی ڈنڈوں سے پیٹ کر موت کے گھاٹ اتار دیا۔ اطلاع پر اہل خانہ جائے وقوعہ پر پہنچ کرابھیشیک کو زخمی حالت میں سروودے نگر کے ریجنسی اسپتال میں داخل کرایا۔ حالت خراب ہونے پر ڈاکٹروں نے اسے ہیلٹ بھیج دیاجہاں وہ زخموں کی تاب نہ لاکر چل بسا۔اطلاع ملتے ہی نوبستہ پولیس انسپکٹر سنتوش کمار سنگھ موقع پر پہنچے اور ڈھابہ کی مالک گیتا ، ملازم سنیل اور پڑوسی دکاندار سمیت 3افراد کو حراست میں لے لیا۔ ڈھابہ مالکن کے شوہر سمیت دیگر ملازمین فرارہوگئے ۔پولیس نے ان کی گرفتاری کی کارروائی شروع کردی ہے۔

مزید پڑھیں:- - - - -مکیش امبانی ہندکے سب سے مالدار، پتنجلی کے بال کرشن بھی امراء میں شامل