اسلام آباد: وزیراعظم عمران خان نے کہا ہے کہ ملک میں کرپشن کو کسی بھی صورت میں برداشت نہیں کیا جائے گا۔ ذرائع کے مطابق وزیراعظم عمران خان کی زیرصدارت پارلیمنٹ ہاؤس چیمبر میں اہم اجلاس ہوا جس میں وفاقی وزرا اور سینئر پارٹی رہنماؤں نے شرکت کی۔ اجلاس میں ملکی اقتصادی، سیاسی وامن وامان کی صورتحال پر تبادلہ خیال کیا گیا۔وزیراعظم کو منی بجٹ بل کی منظوری کے معاملے پر بریفنگ دی گئی جبکہ اجلاس میں پارٹی امور اور 100 روزہ ایجنڈے پر بھی غور کیا گیا۔ ذرائع کے مطابق اجلاس کے دوران وزیراعظم نے اداروں میں بہتری کے لیے فوری اقدامات کی ہدایت دیتے ہوئے کہا کہ کرپشن کو کسی صورت برداشت نہیں کیا جائے گا۔
