جووینٹس مسلسل8 میچز میں ناقابل شکست
روم :اٹالین سرے اے فٹبال لیگ میں جووینٹس نے یوڈینیز کلب کو0-2 گول سے ہرا کر مسلسل آٹھویں کامیابی حاصل کر لی۔ امریکہ کی سابق ماڈل سے زیادتی کے پرانے الزام کی عدالتی تحقیقات کے نرغے میں آنے کے باوجود کرسٹیانو رونالڈو نے اس صورتحال کو اپنے کھیل پر حاوی نہیں ہونے دیا اور کلب ٹیم جووینٹس کو کامیابی دلانے میں اہم کردار ادا کیا۔ بنٹن کور کے ایک گول کرنے کے بعد رونالڈو نے ٹیم کی جانب سے دوسرا گول کر کے برتری کو مستحکم کیا اور ٹیم کو جیت دلا دی۔ اٹالین سرے اے کے سلسلے میں کھیلے گئے میچ میں جووینٹس کلب نے شاندار کھیل پیش کرتے ہوئے یوڈینیز کلب کو 0-2 گول سے شکست دی۔ جووینٹس کلب نے مسلسل 8میچوںمیں لگاتارناقابل شکست رہنے کے ریکارڈ کو برقرار رکھا۔ پہلے ہاف کے 33ویں منٹ میں جووینٹس کے بنٹن کور نے گول کر کے اپنی ٹیم کو برتری دلادی ۔ 4منٹ بعد کرسٹیانو رونالڈو نے گول کر کے ٹیم کی برتری دگنی کر دی جو نہ صرف پہلے ہاف بلکہ میچ کے اختتام تک برقرار رہی۔
کھیلوں کی مزید خبریں پڑھنے کیلئے اردونیوز " واٹس ایپ اسپورٹس" گروپ جوائن کریں
