اوورسیز پاکستانی آج پہلی مرتبہ ووٹ ڈالیں گے
اتوار 14 اکتوبر 2018 3:00
اسلام آباد... ضمنی انتخابات میں اتوار کو پہلی مرتبہ 7 ہزار 364 سمندر پار پاکستانی آئی ووٹنگ کے ذریعے حق رائے دہی استعمال کر سکیں گے۔ ترجمان الیکشن کمیشن کے مطابق آن لائن ووٹ رجسٹرڈ کرانے والے اوورسیز پاکستانیوں کو ای ووٹنگ کے لئے پاس ورڈز فراہم کردئیے گئے ۔ترجمان نے کہا کہ یہ پائلٹ پراجیکٹ ہے اس لئے اگر کوئی تکنیکی مسئلہ نہ آیا تو الیکشن کمیشن کی منظوری کے بعد بیرون ملک مقیم پاکستانیوں کے ووٹوں کو گنتی میں شامل کیا جا سکتا ہے ورنہ انہیں گنتی میں شامل نہیں کیا جائے گا۔
