گستاخانہ ٹوئٹس، ہالینڈ کے سفیر کی طلبی

  اسلام آباد...پاکستان نے ہالینڈ کے رکن پارلیمنٹ گیرٹ ولڈرز کی جانب سے گستاخانہ ٹوئٹس پر سفارتی سطح پر احتجاج کیا ہے۔ترجمان دفتر خارجہ کے مطابق پاکستان میں ہالینڈ کے سفیر کو دفتر خارجہ طلب کرکے گستاخانہ ٹو ئٹس پر شدید احتجاج کیا گیا۔ سیکریٹری خارجہ تہمینہ جنجوعہ نے ہالینڈ کے سفیر کو طلب کیا اور انہیںباور کرایا کہ ہالینڈ کے رکن پارلیمنٹ کی مسلسل جان بوجھ کر مذموم کوششوں پر تشویش ہے۔واضح رہے کہ اس سے قبل بھی گیرٹ ولڈرز کی جانب سے سوشل میڈیا پر گستاخانہ مواد شیئر کرنے پر پاکستان نے ہالینڈ سے سفارتی سطح پر شدید احتجاج کرتے ہوئے معاملے پر غم و غصے کا اظہار کیا تھا اور امت مسلمہ کے جذبات سے آگاہ کیا تھا۔